$2 500 000

Նկարագրություն

775 քմ շենք 300 քմ հողատարածք 6 հարկ 15 համար վերելակ բակ սաունա Չարենցի փողոցին զուգահեռ՝ Միքայել Չայլախյան փողոցում վաճառվում է ամբողջությամբ վերակառուցված և բարձրակարգ վերանորոգված առանձին շենք՝ Երևանի Կենտրոնի ամենահեղինակավոր հատվածներից մեկում։ Գտնվում է Դերժինսկու դպրոցի, «Մելաթ» բանկի, Գերմանիայի դեսպանատան և ԵՊՀ-ի հարևանությամբ՝ բացառիկ դիրքավորմամբ և քաղաքի կենտրոնական հատվածին բնորոշ բարձր պահանջարկ ունեցող միջավայրում։ Շենքի ընդհանուր մակերեսը 775 քմ է։ Շենքը բաղկացած է 6 հարկից, ունի վերելակ, իսկ ետնամասում՝ գեղեցիկ և առանձնացված բակ։ Շենքն ամբողջությամբ նոր վերակառուցված է՝ արտաքինից առանձնանալով շքեղ և ներկայացուցչական երեսապատմամբ։ Ներքին տարածքները ևս ամբողջությամբ վերանորոգված և կահավորված են՝ ժամանակակից, դիզայներական լուծումներով, որտեղ յուրաքանչյուր հատված մշակված է միասնական և բարձրակարգ կոնցեպտով։ Շենքի ներկայիս կառուցվածքն առանձնահատուկ հետաքրքրություն է ներկայացնում հյուրանոցի համար․ այստեղ առկա է 15 առանձին համար, ինչպես նաև հյուրանոցային գործունեությանը համապատասխան մի շարք լրացուցիչ տարածքներ։ Առաջին հարկում առկա է ֆոյե, առանձին աշխատասենյակ և մեծ ստուդիա՝ անտրեսոլային հարկով։ Ստուդիան ունի իր առանձին ընդարձակ պատշգամբը՝ դեպի Չարենցի փողոց բացվող տեսարանով։ Նույն հարկում նախատեսված է նաև սաունայի հատված։ Համարներն ևս ունեն տարբեր չափերի բաց պատշգամբներ։ Շենքի առանձնահատկություններից է նաև բարձր առաստաղներով նկուղային հարկը, որն իր մակերեսով և հնարավորություններով կարող է դառնալ հյուրանոցի լրացուցիչ ֆունկցիոնալ տարածք։ Ետնամասի բակը ևս շենքի կարևոր առավելություններից է՝ ստեղծելով կենտրոնում հազվադեպ հանդիպող առանձնացված բացօթյա տարածք։ Ավտոմեքենաների կայանումը հնարավոր է շենքի դիմացի ընդհանուր բակում։ Այս առաջարկը հետաքրքիր է հատկապես այն գնորդի համար, ով փնտրում է ոչ թե պարզապես կոմերցիոն տարածք, այլ ամբողջական, բարձրակարգ և առանձնացված շենք՝ Կենտրոնում սեփական հյուրանոցային նախագծի իրականացման համար։